2014台北之旅 ♥ Day 3。十分＊九分＊基隆＊

2014年4月30日

話咁快去到旅程既一半了~~ 已經有不捨得離開的感覺...

今日我地朝早要去十分同九分~
搭捷運再轉火車 到瑞芳站... 買張平奚一日遊 既車票,
就可以去十分啦~~

我地買左便當...上火車食^^

食完便當坐一陣,傾下計...大約45mins 好快就到瑞芳站~
我地睇左平奚線既時間表, 決定去左十分先...
等小火車既時間,我地當然要影下相留念啦~

大約30mins 車程,就到達 十分....

第一樣吸引我地既就係...寄明信片,
最近十分車站的一間商鋪~ 有好多款式既明信片,大家都忙著寫...
小溫太要寄比老公Billy, 雞雞要寄比男朋友阿蕉...
咁我呢? 兩個好朋友都同我黎埋台灣,咁我仲可以寄比邊個??
突然... 想起了,香港的表妹patpat, 同埋 哥哥女朋友 麗麗~
寫好了, 大家可以蓋上 店舖 提供的印仔~ 再投入郵筒~

寄完之後...我地往前行了幾間商店 XD
天呀,這店舖的明信片可以一年後才寄回比自己的~
>3< 大家都被這個吸引住, 又再寫明信片... 哈哈, 遊客既錢真係易賺~
揀明信片既時候,我地見到有d 金句既明信片,
第一時間諗起---<lau 頭 Dickson>
哈哈... 真係忍唔住要寄一張比佢呀! 真係好襯佢XD

又寫完... 接住我地要放天燈啦 ^^ 大家都寫上自己的願望,充心祈福~

放完燈... 我地就要趕小火車....
車站附近有一檔小食...好多人排隊的~ 我地都唔執輸...
排埋一份.... 原來係賣燒雞亦架... 快d 燒,我地架火車到左啦!!!
^^ 上小火車慢慢嘆隻雞亦...又真係幾好味wo~哈哈...

到左瑞芳,我地轉搭的士上九份... 話咁快就到啦!
醫一醫個肚仔先... 食個魯肉飯,醉雞,魚丸湯...>3< 好滿足,好味...

再周圍行下食下... 買下手信,買下紀念品... 好開心~

經過大半日既 旅程,我地又搭的士走lu... 搭的士既時候...
因為我地太累了,司機又兜生意,叫我地直接坐到番西門町....
=.= 太奢侈... 接著司機接到order 要去基隆,
問我地有冇興趣去基隆行夜市 食海鮮...我地3個既行程...就係冇行程...
真係隨心所欲, 想到去邊就去邊... 咁我地就去左基隆夜市 ^^

哈哈...黎左台灣三日...日日都話累所以冇行夜市....
今日機緣巧合下... 終於去到夜市~ 不過 落雨呢....
去夜市 離不開...食...食...食...同埋食...哈哈~
等我地試下呢一間啦~ ^^

焗蟹--- 好似好平凡,但好鮮甜,十個讚
燒蠔,燒牛肉,芝士扇貝...都好味 ^^

又見到我最鐘意既冰糖士多啤梨~
>3< 真係超級勁爆好味...

行完街...我地就番左酒店放低D戰利品...休息一陣~
就係西門町附近 搵D 野食...就去扮靚靚...見識下台灣既指甲文化^^

台灣做淨色Soft off jel NT$299 價錢比香港平!
手工就...麻麻啦~ 咁既價錢都算合理既...

幫指甲扮完靚靚... 行行下又忍唔住要食啦~哈哈...
其實唔係肚餓...口痕姐...食杯雪糕,再買炸雞番酒店做宵夜 XD