2014台北之旅 ♥ Day 2。 上引水產＊極野宴燒肉

2014年4月29日

一早起身大家都肚仔餓...
雞雞 話要食D野打定個底,一陣間先會食得多野wo~
咁好啦, 我地就係西門町附近搵d 小食 食下先啦....
XD... 當然 離唔開我每日必食既 蔥抓餅啦...哈哈!!
黎台灣 當然唔少得既 蜂蜜苦瓜汁, 又清熱又解渴 >3<

食左小小野,打左個底....我地就要出發啦~
上引水產  地址: 民族東路 410巷2弄18號
本來諗住第一日 落機就去上引水產,但係因為太趕...
所以今日先去...搭捷運去到 行天宮 站 3號出口, 大約行15分鐘就到~

天行宮 3號出口 附近我到見到 有d單車(You bite),
因為我地知要行15分鐘路程, XD 就 打算諗縮數,可唔可以用單車代步呢?
我地係單車附近望黎望去, 之後有個熱心既台灣男 個黎同我地講英文~
>.< 我地用簡單既英文對答,原來佢想教我地點租架單車!!
同佢傾傾下...先知 原來佢識普通話, 哈哈... 咁我地就唔識用英文溝通啦XD
台灣既人 真係好有禮貌,又熱心,又好好人...總之就好啦^^
台灣男 幫用我地其中一個既台灣手機號碼,登記左3張悠遊card,
話咁快就可以拍card 借單車喇... 哈哈,台灣男仲教我地下載個app,邊到可以借/還單車~
詳情 大家可以上 You bite 個網到睇下 !!!

XD為左唔使行 15分鐘,我地用左半個鐘去學租單車...
真係開心...冇諗過黎到台灣都可以踩單車,
說真的... 自從我小學時期爸爸帶過我踩單車,之後都一直冇踩過~

踩左一大半既路程,我地見到有得還車...就還左車, 再步行過去!!

終於到啦... 期待已久既就係呢餐喇~~
我地四圍行下,參觀下... 其實呢到唔係咁大...10-15分鐘就行得曬...

之後我地就去 立食區 拎籌等位 =.= 好多人呀....
真係傻仔...我地應該拎左飛先再慢慢行麻... 大家記得醒目d~
一路等,我地就一路睇定食d咩...等左大約 45分鐘...終於有位<企>啦!
我地三個人叫左兩個套餐,其他個d再散叫,野食好快就到....

小溫太 負責點餐, 我地負責等食 XD...睇下雞雞個樣幾期待...

野食到啦, 我地唔客氣啦.... ^^

凍豆腐/海鮮沙拉/魚骨味噌湯

第一次食海膽係香港,又<聲>又唔好食...之後我都冇食過海膽...
但係人地講到咁好味,又新鮮,黎到點都要試下既~

 馬糞海膽...一試便愛上了~ 正! 好鮮甜~

賣飛佛---生蠔 >3<

手握壽司

燒物: 蟹腳,牛小排,秋刀魚, 魚魚(紅色個條唔知係咩魚)

>3< 呢餐真係好滿足呀, 大家都捧住個肚走...
係香港既媽媽見我Facebook Post左張單,即係whatapp 我,話我咁富貴....
但我覺得點都要去一次既! 不過試過就夠啦...

下一站-Shopping,我地去左行 五分埔 (捷運 後山埤站 1號出口) 行6-8分鐘
五分埔 就好似我地既旺角既女人街... 不過我同雞雞就唔係咁岩行~
但係小溫太 收獲就十分豐富~ 哈哈...

行得累,係時候搵個地方飲杯野,抖一抖~

天仁茗茶~ 右下個個冷泡茶,好好飲~

休息完,我地就行左一陣 忠孝敦化==忠孝復興 既地下街,
行到大累了, 6:30pm 就黎到我地今日既晚餐
極野宴燒肉專門店 地址:忠孝東路4段49巷4弄8號 (忠孝復興站 4號出口)

NT$549/位 (任飲任食)

食物款式不算多, 味道也是一般...我地都係叫做食小小野就算~
相比起乾杯 和 冠軍烤肉,真的差很遠~

又蠢左, 其他我地三個女仔,唔應該去任食的,
我地三個唔食得多,又廢柴... 應該去d 單點既 地方,
不過算吧...經一事,長一智... 下次再去會醒d 既啦~
(怪就怪我地今次黎得太衝動,未有精心策劃XD)

食完就梗係又Shopping 啦~ 係Sogo 行左一陣...
又比見到 塔吉特千層蛋糕 雖然好飽,但係女仔食甜品係有第二個胃架~

買番酒店慢慢嘆... 終於到今日既最後一站西門町...既 巴黎草莓,
地址: 萬華區 漢中街 50巷 2號 2F
巴黎草莓 就好似我地香港 既Sasa... 好多化妝品,護膚品, 女仔既用品...
我最欣賞既就係 寶藝面膜, 之前我都係Blog 介紹過,所以我唔多講啦~
掃完貨之後, 係街邊比我見到.... 我最愛既 冰糖士多啤梨 >3<
台灣既冰糖士多啤梨係用新鮮既生果做, 唔同香港個d 係冰箱雪住....

再係西門町買左d其他野食番去今晚宵夜...想唔肥都幾難 XD

開開心心又一 Day...