2014年 ♥ 近況

2014年7月14日

放低左個 Blog 成大大半年了 !!
希望我可以重拾寫Blog 的動力吧.....


呢幾個月 既轉變真係好大....
由 三月頭 公司遺散, 開始我既闊太生活!!
做闊太唔夠一個月, 我屋企人就每日<催促>我搵工,

三月廿九日 就開始我既幼兒班既工作,
事關呢份工真係悶到冇朋友,
上午十點番工至下午四點都係得我自己一個,
冇人同你講野,真係會口臭....(每日帶備香口膠)
四點後先有堂上,七點半就放工....
事關公司電腦又冇得上網....
唯有用電話上網,或者帶部pad 番去追下劇....
唔使羨慕我,因為當你每日番工得你自己一個,
日日坐係個唔夠四個<階磚>入面,真係生不如死...
所以我番左唔夠一個星期就遞信辭職,可惜通知期係21日....
要挨多21日 >.<

去到四月廿十四日,偶然在網上見到張平價台灣機票....
四月廿八日就要出發....即刻致電比我兩個好姊妹,
一個就全職人妻-小溫太,一個就係岩岩失業-小雞
真係一個好難得既機會....大家可以一齊去旅行~
而我....即使未夠通知期...我都要賠錢早走...XD 真係太衝動!!!

去完旅行....番左香港hea 左半個月~~~
其實唔可以話係hea 既.... 因為日日都有野做,都未得閒過~
最開心就係身邊d 朋友又唔使番工,得閒出去行下街,high 個tea...
開心既日子過得特別快,接住朋友-雞雞, 就番去前公司到做...
自己見人地個個有工番, 好自然地就開始搵工...

工就唔難搵,適合自己既工就真係好難搵...
話咁快又搵到份 係珠寶行既工, 番左三日...
真係頂唔住....原因係.....番左三日工, 佢除左比張椅 我坐...
咩都冇教我做過, 我已經好主動問有冇野幫手....
佢地都係叫我坐下先.... =.= 坐就真係坐.....咩都冇得做,電話都冇得玩~

再過多幾日.... 又比我搵到份 小學校務處文員既工!!
見完工佢先講呢份工係兩個月合約的, 頂人產假...
不過都做住先啦, 因為其實都真係唔知自己想做d咩類型既工作~
就當係比自己試下先啦!!!

呢幾個月...我就係咁度過...
希望 我可以用我每日有限既時間....追番d blog 啦 ^^