酸薑皮蛋 (附食諳)

話說我去台灣既時候買了<臭皮蛋>給朋友小雞,
因為佢太鐘意食,所以成日都唔捨得食
咁我就上網搵下食譜試下整比佢食啦~~哈哈....

材料: 子薑  1斤半, 白米醋  400g, 冰糖 300g, 鹽  2茶匙

用刀刮去子薑皮,洗淨切片,用鹽醃45分鐘
用凍水洗去子薑的鹽(洗耐小小,如果唔係會好咸),吹乾...
白米醋加入冰糖 煮到d冰糖溶曬, 攤凍後,將子薑和煮好的醋入樽,
放入雪櫃 4 日,就可以食啦~~!

當然食既時候要配埋糖心皮蛋啦 ~~!

終於完成啦...

媽媽試味後... 大讚!!

極力推介~寶藝面膜

朋友們一直都話我join Dermes 個療程係最抵既(原因唔多講,我怕羞)
經小溫太力推下,終於join 左...
我既皮膚超爆乾,超敏感,join 左後都怕會敏感唔見得人,
但係出奇地每次做完又okay 喎!
可能因為我真係怕死...所以好聽話日日都敷mask
起初朋友~小雞 推介 森田 藥粧 <3D 玻尿酸微導保濕面膜>
我都覺得好保濕,所以一訂就訂左箱半(120塊)

直到五月中到台北旅遊,
台灣出名mask 平.靚.正 梗係上網搵下資料啦!
無意中比我發現左寶藝面膜,雖然香港有得買但係貴呀麻!

	HK買	台灣買
保濕冷敷劑 550 ml	$358	NT1099(約$305)
酵素冷膜 550 ml	$258	NT735(約$204)
水感新肌黑凍膜 250 ml	$255	NT499(約$139)
水感新肌黑凍膜 550 ml	$391	NT549(約$152)
咁岩黑膜做緊優惠~

終於係台灣買了兩盒 保濕冷敷劑  一盒 黑膜
番黎同朋友share, 大家試下用....

由於岩岩Dermes完只可以試住保濕先,
但我一試便愛上了
網上其他blog友話用前(不)小小雪係冰格,再敷會正d
試了...真係好舒服啊,好冰涼...
雖然要敷30-35分鐘咁耐,但係值得的
保濕之外,仲令鼻上的黑頭減少了,
敷完之後用黑頭棒輕輕一掃就(必)曬出黎!
>3< 一舉兩得...極力推介!!!

與好友聚餐~抹茶館

好耐都冇同我既好朋友坐低食餐飯,傾下計,談下心lu...
琴晚即興就約左今晚食飯,交流下近況!!

近近地....就約左係鑽石山 荷理活既---抹茶館
大家都肚仔餓,一坐低就叫左個主菜食先~
推介 圖(下) 的卡邦尼溫泉蛋烏冬~超正....
底超濃...加上芝士,真係好味到我連湯都飲埋 

今次我打破傳統飲杯熱茶---玄米茶 (我最愛)
朋友們點選了店舖精選既抹茶系列

最後,當然唔小得既甜品...
賣相的確唔錯,但係可能我並唔係抹茶的fans,
所以我覺得麻麻!!!

食飽飽....一邊聽朋友李夫的華山之旅,
一邊聽小溫太轉新工後的轉變,
不經不覺已經要打洋了....
依依不捨地各自歸家!!

今晚真係好開心啊,李夫係我地既<開心果>
有佢係到...就算幾唔開心,聽佢講完佢既偉論,
個人都開心曬

寫blog旅程~新一頁

讀書時期都有寫xanga的習慣,
只是曾經發生過一件不愉快的事,
令我再沒有寫下去的動力...

今天我重拾勇氣...再嘗試一下吧!
希望往後的每一篇都是記載著開心.快樂的!

2013台北之旅 ♥ Day 5。冠軍烤肉＊老天祿

最後一日係台北了....唔想番香港呀...不走不走....還須走!
10:30 am 就起身執行理啦,好彩服務員有留起兩個紙箱比我地
感恩.....我地pack 好一箱箱...pack好了~ 7個人....黎既時候得五個行理....
 而家走既時候.....有九箱~~~究竟我地買左d咩呢? 

仲笑.... 超重唔比我地上機就死啦.... 唔好呀!!!
book 左酒店兩架車4:00 pm 送我地去機場~酒店幫我地keep 住d行理先~

呢個時候.... 我地去食台北最後的晚餐.....冠軍烤肉
地址:  台北市萬華區 昆明街116號 康定路 25巷 42號
長氣d都要提一提....記得book 位呀

一坐底服務員就送上餐牌 + 蔥花湯 

本來打算每人點一個餐,服務員睇到....打左個凸!!
一人一個餐? 他建議我們....叫住2個兩人餐先...唔夠再叫....
台灣人做生意好老實....唔會明知我地食唔曬都由得我地
先黎....沙律~~ 好好味....大愛蔬菜沙律! 再黎茶漬飯....

d 牛肉好有牛味(講緊廢話....唔通有豬肉味咩) 唔使燒好熟就食得,
好多肉汁,好好味呀....牛舌加蔥花(記緊燒一邊,半熟就食得) 正....
仲有其他牛既部位, 雞肉, 豬頸肉, 豬五花, 羊肉, 煙鴨胸....

燒完一輪肉....就燒海鮮類....芝士扇貝 泰式魚, 魷魚,大蝦.....
太正啦....扇貝好鮮甜,泰式魚越辣越想食,燒魷魚好爽...一d都唔韌!

食完海鮮....就輪到蔬菜茹類....我最愛既蒜茸牛油什茹....

氣氛上....雖然比唔上乾杯, 但食物質素卻勝乾杯一籌!仲有仲有....冠軍烤肉 係用傳統既炭爐 燒烤...真係有另一番風味
兩間服務質素都有十個讚.... 我下次一定會再黎~~~

食飽飽.....就要最後衝刺啦....直衝 老天祿
買埋鴨舌, 鴨腎, 鴨亦, 脆腸, 豬腳筋...我地任務就完成了!

收拾心情番酒店....拎行理坐車去機場....
去到機場先知班機delay 左兩個小時....可能因為佢有失於我地...
所以就算我地有九箱行理都比我地照飛,冇額外收費
係機場四周逛....終於有一間係妹妹岩行ga la~
就係....Disney ~ 入到去佢唔肯放低隻史迪仔....
就係因為咁....帶左佢番HK~

終於終於番到香港啦.... CALL左兩部的士番屋企....累死了!
以為就咁就完.....錯了....我地仲要分 手信....執番D衫出黎洗.....
攪完一輪....聽朝仲要番工  我唔要番工呀....我要留係台灣繼續食食食.......

2013台北之旅 ♥ Day 4。淡水＊情人橋＊乾杯

經過三日既軍訓旅程...部分既同伴已經撐唔住lu...
要求今朝要訓晏d....寧願早餐都唔食...都要訓晏d~~
算吧啦....放過佢地....我。pat。爸。媽....四人食自己,
11:30am 媽媽提意再食多次鴨肉扁~ 媽媽大愛
好....就再食多次啦....叫左半隻...食唔曬....打包比三隻大懶蟲!
係西門町....四周逛逛....再買野食番去比佢地食~
豪大大雞扒。珍珠奶茶。蔥爪餅。阿宗麵線。繼香光光雞

休息多左一陣,就開始執定d行理....驚今晚夜左番....執唔切!
由於時間既關係第二日係酒店已經叫左服務員幫我地訂手信....
我地訂左 李儀餅店。江記華隆 應該今晚就會到貨了
話咁快就3:00 pm 我地要出發....搭捷運去淡水啦!(車程 45 mins)

大家傾下講下....話咁快就到左淡水啦....
第一站 我地去左 義美分店....買左一箱蜂蜜蛋糕!!我既最愛.....
當然我地唔會拎走佢行街啦....所以我地食完飯先去拎!
行入淡水老街.... 大家都肚仔餓....行到邊.....食到邊....買到邊.....
花支丸。腸。烤魷魚。木瓜奶。臭豆腐。雪糕

必買既 阿婆鐵蛋 , 魚酥....時間過得真快....5:30 pm 我地要搭船去情人橋.....睇日落....
真好彩.... 比我地趕到.....真靚.....

影下相.....四周行下.....又搭番船番去食晚飯lu~!

今晚我地book 左 乾杯.... (都係個句啦....記得book 位,walk in 未必有位)
地址: 新北市 淡水區公明街 56巷 13號
乾杯既服務員好有禮貌,服務態度又好....感覺很親切啊!
還推介我們可以叫4-5人套餐.....唔夠食既再單叫....

泡菜:  好味....可以有一樽買番屋企食( 但係食飽掛住走,唔記得左買)
沙律: 生菜新鮮脆口,上面曬上芝士粉,加埋沙律醬or沙律醋食...正!!
大家.........乾杯...........

原來4-5人餐都有好多野食....仲好好味....
食過台灣既烤肉後....香港既烤肉已經比唔上台灣了...咁以後我係香港點算呀?食完返唔到轉頭....點算?

牛舌: 一d都唔韌,好香蔥花味! yummy
其他個d 肉唔記得叫咩名....有牛肉,雞肉,豬肉,羊肉....
有很多唔同部位呢...但係全部都好味....

海蝦: 好大隻,好鮮甜,d肉質好爽口
牛肉飯: 因為驚哥哥唔夠飽.... 所以要叫比佢食
西冷牛扒: 真係勁量級,服務員仲幫我燒埋....六成熟....正.....
仲有白酒煮蜆, 洋蔥魷魚圈....

服務員很貼心....會成日幫我地燒烤or介紹食物!

登登登.....登.....今晚既重要環節黎啦!!
服務員會介紹每一台既客人,再介紹我地黎食飯慶祝d咩....
之後就有親親豬五花活動,哈哈....我地又點會唔參加呀?
這家店的氣氛真的很好啊....只要咀咀十秒 + 影一張合照 = 送一碟豬五花
我地派左爸爸媽媽 & 哥哥麗麗 參加....但相片因為佢地怕羞,不便公開

食飽飽.....我地去拎埋義美蛋糕,就番酒店lu....因為要執行理~~~
番到酒店....我地訂既手信已經送到黎啦.....@@ oh.....我的天!!!
點解李儀會冇用紙箱幫我地pack 好ga? 我點帶番香港?
酒店服務員話幫我地留紙箱,明早有的話送到房間給我們,
希望有啦..... >.< 三十幾盒 鳳梨酥 + 太陽餅....點拎上機?