話說出發前幾晚....我晚晚都發惡夢,
一係唔記得帶行程表,一係就趕唔切飛機....發生咩事??
又唔係第一次去旅行...做咩咁緊張??
唉....因為呢幾個惡夢....我上機前一晚....check 清check楚,
真係驚有咩閃失...咁就連累大家就唔好啦!!
今次旅行我地七人同行 ---
爸爸。媽媽。哥哥。麗麗(哥女朋友)。妹妹。表妹patpat。仲有我
今次係慶祝 妹妹既中六畢業 & 爸媽結婚30週年紀念 既旅行
全程由我同表妹patpat 計畫行程
廢話唔講咁多啦....準備出發台灣!!! 話說我地 班機8:20am起飛, 6:00am 兩個舅父就車我地7個去機場!
7:00am 去到機場, 準備check in ....天啊,我既惡夢實現左...
check in 既時候,佢問我拎網上買機票張 信用card
前一晚,我自己仲懶醒,抽起唔帶曬咁多張 信用card....
攪左好耐.....終於醒起銀包暗格有張單據....救了我全家一命!
下次我唔敢懶醒啦....乜野都帶曬去就冇死了!
好啦....出境前,影張大合照先....咁先叫去過旅行ga ma! Yeah
時間仲早...嘆番個 翠華 靚早餐先!
準備上機啦.... 香港人必影既景點之一, 我地又點會唔影呢....哈哈....
班機遲左半個鐘先起飛....
飛機餐... 唔好食....>3< 我地要去台灣食好野ga~
11:00am 一落機....我地分頭行事....拎行理,唱台幣(1兌3.6),買電話card
我地買左 大哥大 既電話card...因為比較平,所以好多人排隊,
NT$500/五日 無限上網....仲有大約25MINS 可以打番HK,都算平架!
11:45 攪掂曬....我地就去搭國光客運 (NT$ 125) 去台北車站 再轉捷運去西門町
車程 大約 55mins....自己搭車其實都好方便,好快就到lu
去到台北車站,就買定後日去九份既車飛,點解要咁早買?
因為早d買既話....可以劃位,咁就一定有位坐啦 ^^
再搭一個站捷運去 ---> 西門町
今次我地住係 西門町既 新驛旅店(Cityinn Hotel)地址: 台北市中正區衡陽路124號 (飯店入口處為寶慶路63號)上次我地黎台北都係住呢間,呢間酒店既好處:1. 近捷運站(行2mins就到旅店)2. 過條馬路就係西門町,好多野食,好多地方逛街
3. 有家庭房(4人房 or 3人房), 不過要預早兩至三個月前訂
4. 服務員親切有禮貌,滿足我們多多的要求
5. 酒店對面有超市,隔離有便利店
地理位置真係進可攻退可守
1:30 am 放低行理係酒店,影左一陣相....我地就去醫一下肚!!
2:00 pm 第一站 --- 鴨肉扁 (去旅行前,媽媽成日追台灣100款美食,呢間係媽媽話要必去的)
地址: 武昌街二段2號
台灣既 鴨 = 鵝 半隻NT$800-1000 (大細而定), 米粉 & 麵 NT$50/碗
好好味呀... 媽媽讚不絕口!!
下一站,西門町....四周行下...哥哥至愛--- 阿宗麵線地址: 臺北市萬華區峨眉街8-1號
行行下....見到蔥抓餅,上次都想食架,但係冇人同我share,所以冇食
今次咁多人,就算唔好食,一人試一啖都冇曬啦
一試 我便愛上了....連續幾日....一經過就買黎食
開頭淨係食原味....之後仲學人加蛋
超正.....加蛋仲香!!
仲有苦瓜汁, 正....唔驚熱氣啦!
食飽飽番酒店lu....可以上房
執一執d野... 抖一下....5:00pm 我地就要出發去 饒河夜市(又是媽媽睇台灣100款美食,話必去的)
搭捷運 再 轉 火車 到松山站 ( 車程15mins ) 唔好以為又捷運,又火車好似好遠
但係其實一d都唔遠....而且好方便....話咁快就到啦!
我覺得饒河夜市有d似我地香港既廟街
一去到門口....就見到我地必食既 胡椒餅
這一間是最好味的, 平時要排好耐隊,今日我地早左黎,所以冇咁多人....
熱辣辣....好香胡椒味,又多肉汁....正!
我地企係街食....雖然好熱,但我地食得好滋味!
個胡椒餅 好熱,但我地又好想即刻擺入口,誇張到要用風扇吹完即刻食
之後見到燒餃子, 辣螺肉, 辣魷魚, 炸魷魚...當然唔會放過佢地啦,哈哈....
哈哈.... 好好味呀,我地咁多人就最好架啦...咩都係買一份,可以share食...試多d野!
食食下....我家個兩老....唔見左? 原來佢地走左去食....臭豆腐!
(去台灣前...媽媽已經嚷著要食臭豆腐) 哈哈....好似小朋友咁!
行完饒河夜市...本來plan左再去師大夜市,點知....
大家都很累了...所以行程取消了...回酒店前....去左酒店對面的商場逛左一陣,
竟然有意外收獲....就係見到馥御牛肉干 有專櫃,太好了....唔使去到咁遠買....NT$200/包, 呢個牌子係朋友woo仔話好味,叫我買既....
又好似唔使錢咁....買左3大袋....哈哈!!
滿載而歸,番酒店沖白白休息lu!!
沒有留言:
張貼留言