自家製 ♥ 椰汁馬豆糕 (附食譜)

真係好耐都無打過bolg 啦~
呢排好忙啊, 又要去書展幫手, 公司又多筆記做, 仲賴左獲金....
心情欠佳....

今日哥哥女朋友黎食飯....所以特登整佢最鐘意食既椰汁馬豆糕 ~
哈哈.....材料好簡單,又易整..... 

材料:
馬豆 --- 100克
淡奶 --- 1小罐 (160g)
椰汁 --- 1大罐 (400克)
鷹栗粉 --- 170克
水 --- 5杯
砂糖 --- 300克 ( 不過我唔食咁甜,只落了270克)

做法:
1. 將馬豆洗淨, 用滾水煲至淋身( 約煲25分鐘,熄火焗20分鐘), 隔去水份備用

2. 用椰汁。淡奶 開勻 鷹栗粉 ( 勻至滑身)

3. 煲滾5杯水加入砂糖煮溶, 慢慢加入鷹栗粉漿, 不停攪拌 (好易燶底),拌至煮滾 加入馬豆拌勻, 離火

4. 倒入耐熱膠盒, 攤凍後放入雪櫃, 數小時後食得!

夏日炎炎,椰汁馬豆糕 都係一個唔錯既消暑甜品 

KGE TCD ♥ 飯局

呢排開始忙lu....成個星期都冇打blog....至於忙d咩呢?
 而家唔講得住.... 遲下先話比大家聽!!!

話說今日係我地TCD部門 一年一度既飯局....岩岩轉職一年既我,
今年都係第一次參加, 聽說他們每年SUMMER 期間就會約出黎食餐飯~
因為平時都冇乜幾何.....大家既收工時間唔同,要全部門一齊食飯真係難事!
雖然今晚有兩位同事未能出席,但大家都要玩得盡興D.....

Happy Friday.... 番工就好期待放工去食飯....
每年都會選擇去同事--- 楊小姐 老公間鋪頭食飯~同事們大讚好味,炒小菜冇得頂.... 胃食既我,一聽到....已經流曬口水
放工即刻飛的士去食飯

首先..... 要介紹呢隻 風沙雞 皮脆肉嫩, 正....

鼓椒炒蜆, 清蒸鮑魚, 蒜茸粉絲開邊蝦, 椒鹽鮮魷....
海鮮都好鮮甜, 鮑魚岩岩熟, 唔會韌! 蒜茸粉絲開邊蝦(粉絲才是精華) 正.....

西檸雞 --- 雖然有西檸汁, 但d雞仍然好脆! 正....
魚香茄子 --- 一擺上台,已經嗅到魚香味! 撈飯一流.... (可惜我唔鐘意食飯)
椒鹽九肚魚, 蒜茸炒西蘭花,
蜜糖骨 --- 係用麥芽糖整ga, 雖然有小小<痴>牙, 但煙煙韌韌,好有咬口!!

炒芥蘭, 清蒸海斑, 蝦醬通菜炒豬頸肉, 中式牛柳, 薑蔥炒蟹
條魚蒸得岩岩好, d肉好滑~~! 菜 同 蟹 都好夠鑊氣 ( 屋企食唔到)

蒜茸粉絲蒸勝瓜, 炸大腸..... 樣樣都咁好味

真係好好味.... 有幾個餸我地仲起左個孖(叫左兩碟) 
十五個人 叫左廿幾個餸.... 清曬.....飽到郁唔到 好滿足啊....
食飽飽就傾下計,做下運動,玩下集體遊戲~

一齊玩遊戲真係笑到我PK.... 成日都<禁>錯人地個頭~~
仲有手指摔角.... 哈哈~ 咩都玩得一餐~
真係好開心可以識到你地一班咁攪笑既同事.....
番工就算幾忙,幾辛苦,幾累,幾悶.... 有你地係我身邊....一定會撐得過!
 Love u all  期待下一次既飯局

自家製 ♥ 酸辣雞腳(附食譜)

話說上個星期..... 一起身媽媽就話好想食 凍食既酸辣雞腳...
落左命令要我整比佢食~~~! 我呢個孝順女....又點會say no~

材料:
雞腳 --- 2磅
鹽 --- 2 茶匙
雞粉 --- 1茶匙
蒜頭 --- 3個
檸檬 --- 4個
魚露 --- 8湯匙 (唔夠味,可以再加)
白醋 --- 4湯匙
指天椒 --- 2隻

做法:
1. 雞腳解凍, 斬去腳指, 再一開二,  用滾水加鹽。雞粉 將雞腳煮熟 (約 15分鐘)

2. 雞腳用冰水 冷卻, 隔水 備用
3. 蒜頭 磨茸, 檸檬窄汁,指天椒切粒, 加入魚露。白醋, 拌勻

4. 將醃料加入雞腳 拌勻, 放入雪櫃雪一晚,第二日就食得

呢一個小食.....唔難整,不過要花d 心機~~!
媽媽妹妹 超鐘意食..... 我都係食左幾隻ja....比佢地掃曬!
酸酸辣辣,好開胃.... 越辣越想食....食唔停口!!

廣華覆診＊豚組 Butagumi Tonkatsu

今日 同埋下星期四都要去醫院覆診 陰公豬.....
鬼叫自己身體多病痛呀....無奈中.....
話說今日我打算自己去覆診.....但係我媽媽死都話要跟住我~
佢要去見醫生,睇下我既病情.....佢驚我睇完醫生隱瞞病情~
 我大個女ga la, 仲要阿媽跟住我去覆診~~我唔制....
唔制都冇用.....阿媽話我之前應承帶佢去食<吉列豬扒>
橫掂今日出開去,就一於今日食埋....妹妹聽到....就話要跟埋黎~

係冇辦法之下.....帶住佢地兩個去覆診.....
不幸之中既大幸.... 報告出左....除左膽固醇高左d 之外.....其他都okay~
我都擔心之前瘋狂既六月生日慶祝,六月尾就抽血....今次仲唔死!
感恩....都唔係好大問題,最多今個月抽 一 兩 餐食麥皮

覆完診.....就放肆地帶住佢地兩個去試下新野 豚組 Butagumi Tonkatsu
地址:  旺角 登打士街 56號 家樂坊地庫 B01號舖

4:00 pm 沒有太多人,店舖內只有 兩三台客人....環境相當清靜
我地點了一個lunch set, 再叫左3個小食....
因為 我地三個都唔食飯ga~而且今晚仲要食晚飯....所以只叫了一個set !
本身妹妹想叫個tea set 食pizza, 但係售罄.....所以我地單點了三個小食!

介紹下個lunch set  吉列日本黑豚定食 $128 
配白飯,麵豉湯,椰菜絲沙律,仲有飲品.....我地加左$15 轉烏冬
吉列豚肉...外面吉列皮好鬆脆,一d都唔覺得油膩,豚肉多汁鬆軟!正....
仲有個椰菜絲沙律.... 加埋醬汁,連唔食生既菜 的媽媽都大讚好味!
烏冬湯底係好濃味既豬骨湯底....烏冬彈牙! 

小食: 
炸芝士年糕 $28, 即炸的....熱辣辣...粉漿一d都唔厚,年糕煙煙韌韌
吉列脆蠔 $48, 未放入口....已經嗅到好香既蠔味....媽媽唔鐘意食蠔....都話要試一件! 正....
 鐵板帆立貝$58, 帆立貝配薯蓉...妹妹大愛, 最正既係....d薯蓉,配埋個汁好鮮味!

 極力推介.... 真係好好味!! 

小溫太家♥ 親自下廚

期待已久....終於排到期去小溫太家食飯lu~
小溫太 貴人善忘... 朋友又多....想小溫太親自下廚?真係要排期!!
今日好開心.... 放左工就迫不及待搭的士去小溫太屋企~
去到既時候....Hanky 已經到左幫緊手執頭執尾.....
我呢d 冇鬼用既....就企埋一邊等食
陸續都有人到.....阿花,文寶寶.....波兒,玉琪~~
話咁快....小溫太 已經整左成台餸lu~

小溫太仲好貼心....煲左好健康既雜菜湯~ 好味....飲完都覺得自己健康左

八餸一湯...白飯任裝~!
蒜茸開邊蝦蒸粉絲小溫太秘技,用牛油撈一撈d粉絲再墊底! 超好味...

仲有煎牛扒....七成熟,岩岩好.... 土匪豬柳....如果係土匪雞亦就好lu~
但有不知名雞亦補上....頂住先

除左肉類....又點會冇蔬菜類食呢....健康天使
炒菜苗.... 佢地話有d老....但係我覺得okay!! 可能我唔太咀刁!
肥牛露荀....露荀好脆嫩 焗肉碎茄子....
仲有肉碎蒸豆腐, 呢一個餸....撈白飯一流!!

小溫太真係一個賢妻  Billy 真幸福呢....好好珍惜啊!!
飯後.....仲有芒果布丁  小溫太.....點解你可以咁貼心架?

呢一餐飯食得又開心,又滿足..... 就算要排期去小溫太屋企食飯....都係值得架!!
呢餐都未食完.... 我地就即刻要同小溫太book 定下一個期
今日真係好多謝小溫生 & 小溫太 既招待....!!!  love u cindy.....