嘆埋今日就要番工lu.....
嗚~~ 講番今日先....今日爸爸。媽媽約左朋友去唱K + Buffet, 即係今日我同妹妹又做孤兒仔~
好彩 表妹Patpat 打黎話今晚佢都同我地一齊食飯姐....咁就唔使咁可憐啦!
今日冇咩特別節目, 咁就唯有係屋企hea下... 打下blog....攪下屎棍!
打完blog....見時間仲早....記得d同事鐘意食啫哩糖,
今日咁得閒....就整下啦! yoyoyo....(3盒既分糧) 材料: 啫哩粉 3盒, 魚膠粉 1盒, 地門熱帶什果 1罐
啫哩粉 見意3盒 味道唔同顏色,咁整出黎既啫哩糖會靚d....
1. 什果隔出糖水備用 ( 隔出的糖水有用勿倒)
2. 首先將一包啫哩粉倒入大碗內, 加入1.5湯匙 魚膠粉,拌勻
3. 再加入一碗熱水,拌勻粉末
4. 再加入半碗糖水 + 半碗凍水 拌勻
5. 例入膠盒內,加入小量什果, 放入雪櫃大約 30 mins( 咁就做好第一層)
6. 重覆 步驟1-4 , 從雪櫃取出膠盒, 輕力倒入第二個顏色...再加小量什果
7. 放入雪櫃大約 30 mins( 咁就做好第二層)
8. 重覆 步驟1-4, 從雪櫃取出膠盒, 輕力倒入第三個顏色...今次不用加什果了
9. 放入雪櫃大約 2-3小時, 食用前 切粒就食得
色彩繽紛, 仲有什果tim....夏天最佳消暑甜品~
=======================================================
晏晝三點幾.....已經同Patpat 商量好....今”晚叫外賣速遞pizza~
可以網上預訂....咁就會準時送到上門啦~
快樂不知時日過.....三日既假期咁就完結了~!
今晚要早d訓....聽日番早呀!!
沒有留言:
張貼留言