好友聚會 ♥ 北斗翁頂尊火鍋料理

2014年7月25日 (追Blog)

自從上次我生日食完飯之後都冇見過你地兩個啦~
成個幾月冇見, 真係好掛住你地 >.<
我阿媽成日都話我誇張... 有幾耐冇見喎~
媽媽...點解你又唔諗下,之前咁多年 我同佢地番工係日日見呢?

大家既工作時間唔同, 又要照顧屋企...約出黎食飯真係唔易~
今晚我地約左係 觀塘 食飯...
北斗翁頂尊火鍋 地址: 觀塘開源道79號鱷魚恤中心3樓

開頭我係樓下見到個燈箱見到個標誌去左5樓,
入到去搵左一個圈都唔見小溫太...小溫太又話到左等我?!
點知原來去錯左 釣魚翁 >.< 真係<魚>爆....

落番3樓...終於見到小溫太lu...
服務員送上調味盤...等我溝定個醬汁先...我最鐘意就係蒜茸~

小雞都到埋~ 我地就落單喇... 三個女仔, 就梗係叫個滋補d既湯底啦~
XD... 叫左半隻 花雕雞湯底... 香味濃郁, 流曬口水啦...

樣樣都好似好好味...樣樣都想叫~次次都眼闊肚窄... 哈哈~

牛肉船...好壯觀呢,牛肉好新鮮,好淋...好好味

芝士墨魚丸, 爽口彈牙~
水餃皇, 大愛...大大粒,好足料~好好味
響鈴, 呢個就麻麻...唔夠鬆脆,有點淋
仲有...粟米, 蔬菜藍

一邊食...一邊傾下計...真係開心~ 時間過得真係快...咁就九點半...

仲有腐竹白果糖水送, 不過都係麻麻,太甜

咁就過左一個開心既晚上~ 唔知幾時我地先可以再見 >.<
講到呢到...小溫太就醒起 之前朋友係瑞士買左 芝士火鍋比佢做手信~
坐言起行... 即刻約個快期去小溫太屋企食大餐XD....期待ing~