推介 ♥ 平價之選 ＊ Innisfree

2014年5月12日 (追Blog)

想推介一個品牌比大家 --- Innisfree
雖然係 敏鎬 代言...但係我真係冇Hard sell ^^"

我點解會接觸呢個牌子呢?
事源係因為屋企既精華液用曬...係朋友 雞雞介紹下....就諗住去試下~
本來淨係諗住買一支 綠茶籽精萃水分菁露$210/80ml,點知...

綠茶籽精萃水分菁露用後感:
洗完面,就即刻搽...一d都唔<笠>,仲好快吸收, 價錢唔算太貴,
所以我都覺得好用同抵買既 ^^

入到去...就梗係周圍睇下架啦... 行行下見到支 綠茶洗面膏,
心諗 < 而家我用既個隻洗面膏我係美容院買既,由佢好多年前$200,用到而家$290,都係用佢...因為用完佢真係好乾淨,塊面又唔會乾爭爭!!但真係覺得貴左d囉!>
望望個價錢 $60/150ml , 咁抵? 比佢呃盡咪個 $60 蚊, 就粗粗地試下....

綠茶洗面膏用後感:
喜出望外... 冇諗過會咁好用... 真係可以同我用開個隻有得fight,
洗面膏有綠茶既清香, 很易起泡, 清爽唔乾... 真係十級推介!!!

再行行下... 又比我見到 綠茶清爽保濕睡眠面膜,
心諗<一直以來 都係用Clinique 既Sleeping pack, 雖然好用但係好貴 好似要$360,大約半年前人地話Laneige都好用而且平d,咁我就轉用Laneige試下, 但我覺得都唔及Clinique咁好用!>
望望個價錢 $120/80ml, 有冇咁平呀? 屋企既Sleep pack 又就黎用完,試下啦!

綠茶清爽保濕睡眠面膜用後感:
講真Innisfree 真係冇Clinique咁水潤咁保濕, 但係同Laneige比,Innisfree 保濕過Laneige!
諗深一層 呢個價錢有呢個效果,其實都算唔錯...!

以上三樣 係我第一次去Innisfree 買既野,
過幾日再推介 之後 我係Innisfree 買左d 咩...