話說昨晚已經同媽媽傾掂數~ 媽媽話....如果我肯幫佢修甲(手+腳), 我舊歷生日就整一個我鐘意食既菜式慶祝我生日!
生日乜唔係大曬既咩? 真可憐....要有條件計計數....
好啦.....照殺....我要食 < 花雕雞煲 > 
晨早就起身....同媽媽去食個靚早餐....就去街市買....雞雞 !!
雖然係冰鮮雞.....但同樣好味! 最緊要係....細細個我就最驚行街市見到D 生雞...
永遠都唔敢行有雞個條街! 同埋 唔夠膽 抽個袋雞....(攪笑既係....我會食雞)
而家就方便得多.....行埋去揀兩隻雞....佢仲幫你斬埋件tim !
good 呀!大雞 $42/隻 , 細雞 $32/隻 .... 都幾抵食wo~!
睇下阿姐....手起刀落.... 話咁快就斬完兩隻雞!!
買完雞就番屋企....執藥材.....準備定個湯底....
藥材: 當歸, 川弓, 黨參, 淮山, 杞子, 桂圓肉, 玉竹
煲定個藥材湯....今晚就有得食啦....食個時再加花雕酒 同 鹽
d 雞 食前一個鐘.....就用花雕酒醃 ( 醃太耐d 雞肉會霉ga)
==============================================================
攪掂今晚個餐.... 我就要幫媽媽修甲了!!!
話說年半前.....辭左職.....用半年時間 半工讀....讀左個 修甲,手晶甲,Jel甲.....課程,
比左咁多錢去讀....但係又唔係做番呢行....
冇眼睇自己....所以到而家....都成日比阿媽話我冇鬼用,得三分鐘熱度~
個時仲懶巴閉..... 訂造左個櫃擺我d 指甲用品, 又買左張台方便整指甲....
數數手指..... 真係冇用過幾多次ja
唔講咁多廢話了....開工!!
==============================================================之後.... 我同媽媽就開始執屋---- 清理下d 舊相
執曬出黎....有過百本相簿....本本都好舊lu.... 分左類....再入落新相簿
呢個就係小時候既我啦.....哈哈
睇番自己細個都幾攪笑....
話咁快.....咁就執左成個下午lu~
==============================================================
好啦.....開餐啦~
>3< 花雕雞煲..... 係我既最愛....雖然夏天食有d奇怪,
但係一邊開住冷氣,一邊食....真係爽YY
在家千日好!!
沒有留言:
張貼留言