肥妹仔~影子 ♥ Blog: 6月 2013

2013年6月30日星期日

舊歷生日 ♥很忙的一天。執相＊修甲＊花雕雞煲

今日係我既舊歷生日.... (big grin)

話說昨晚已經同媽媽傾掂數~ 媽媽話....
如果我肯幫佢修甲(手+腳), 我舊歷生日就整一個我鐘意食既菜式慶祝我生日!
(crying)

生日乜唔係大曬既咩? 真可憐....要有條件
計計數.... (waiting)

好啦.....照殺....我要食 < 花雕雞煲 > (laughing)

晨早就起身....同媽媽去食個靚早餐....就去街市買....雞雞 !!
雖然係冰鮮雞.....但同樣好味! 最緊要係....細細個我就最驚行街市見到D 生雞...
(time out)

永遠都唔敢行有雞個條街! 同埋唔夠膽抽個袋雞....(攪笑既係....我會食雞) (rolling on the floor)

而家就方便得多.....行埋去揀兩隻雞....佢仲幫你斬埋件tim ! (thumbs up)

good 呀!
大雞 $42/隻 , 細雞 $32/隻 .... 都幾抵食wo~!
睇下阿姐....手起刀落.... 話咁快就斬完兩隻雞!! (winking)

買完雞就番屋企....執藥材.....準備定個湯底....
藥材: 當歸, 川弓, 黨參, 淮山, 杞子, 桂圓肉, 玉竹

煲定個藥材湯....今晚就有得食啦....食個時再加花雕酒同鹽
d 雞食前一個鐘.....就用花雕酒醃 ( 醃太耐d 雞肉會霉ga)
==============================================================
攪掂今晚個餐.... 我就要幫媽媽修甲了!!!
話說年半前.....辭左職.....用半年時間半工讀....讀左個修甲,手晶甲,Jel甲.....課程,
比左咁多錢去讀....但係又唔係做番呢行.... (I don't want to see)

冇眼睇自己....
所以到而家....都成日比阿媽話我冇鬼用,得三分鐘熱度~
個時仲懶巴閉..... 訂造左個櫃擺我d 指甲用品, 又買左張台方便整指甲....
數數手指..... 真係冇用過幾多次ja (I don't want to see)

唔講咁多廢話了....開工!!

==============================================================
之後.... 我同媽媽就開始執屋---- 清理下d 舊相
執曬出黎....有過百本相簿....本本都好舊lu.... 分左類....再入落新相簿

呢個就係小時候既我啦.....哈哈 (laughing)

睇番自己細個都幾攪笑....

話咁快.....咁就執左成個下午lu~
==============================================================
好啦.....開餐啦~

>3< 花雕雞煲..... 係我既最愛....雖然夏天食有d奇怪,
但係一邊開住冷氣,一邊食....真係爽YY (cool)

在家千日好!!

2013年6月22日星期六

每月的煩惱

女孩子一個月總有幾日特別煩惱,
而我...又怎會例外呢? 我更會比別人煩惱得多...
今個月...自己生日那天太過開心了...吃小了一日藥,
麻煩就早了一日黎了... (crying)

點解自己成日冇記性?

每個月這幾天....什麼地方也不用去,只能躲在床上吧!
這幾天,心情也特別差...也經常胡思亂想...
夜晚不能好好入睡,只能白天補眠....到夜晚....又睡不著....
天啊.... 真是折磨!! 討厭自己是女孩子 (sigh)

2013年6月19日星期三

快樂不知時日過 ♥【家庭樂】

話咁快...我既生日假期去到最後一日lu... (crying)

前幾日...日日都早出晚歸,今日最近一日假期...
就比自己hea d.... (big hug)

好好嘆埋今日啦~~

今朝媽媽覆完診...我地就相約左去pizza hut食早餐 + lunch~
我,妹妹,表妹patpat,哥哥 and 媽媽,一共五個人!
我最鐘意就係食芝心批,pat 最鐘意食薄批,哥哥最鐘意食厚批...
妹妹有得食就得....媽媽就唔食pizza 既....
pizza hut 既一人套餐就岩曬我地啦,又可以share一齊食... (smile)

我地叫左3個pizza,一個意粉,一個飯....
pizza 即焗即食....好食過外賣速遞!

媽媽唔鐘意食pizza,就叫左個飯比佢食!
車打海鮮焗飯 (thumbs up)

同樣好味...可能我鐘意白汁
原來pizza hut 都有卡邦尼意粉,梗係要試下啦!
(thumbs up)

正...我愛上了卡邦尼這個汁料 (blushing)

可樂仲可以無限添加....!!

哈哈...個個都食飽飽,個樣好滿足!!

行左一陣街街...我地又回家大戰三百回 (rolling on the floor)

繼昨日自摸十三么後....今日又比我先摸花糊....西利!!
哈哈....生日週果然係旺d 呀!!

媽媽話呢幾日我地都食得太豐富lu....
所以今晚食瘦肉粥~~!
咁就完結左我今年既生日週lu....
再多多謝各位親朋好友們.. (kiss)

2013年6月18日星期二

真的要放下了...

為什麼每次當我覺得自己最開心,最幸福既時候,
上天總是妒忌我,偏要讓我發現一些我不想知道的....
曾經我說過我討厭用line,討厭用wechat....
可是我的朋友,我的家人叫我用呢d程式!!
我只可屈服吧....我討厭這些程式是因為<他>吧!

一年前已經開始與<他>斷絕來往,
半年前,開始用line....換黎一句 <愈來愈愛妳>
我以為我放下了,可是流下的眼淚騙不了人!
這半年我也以為我真的真的放下了,
我也以為經過上次,我學會看開了...
但當我今晚開始用wechat, 我的惡夢又開始了,
今次換來的是 <沒有最愛,只有更愛> 和一張小女孩的頭像,
那我能聯想的是什麼? 四年前我跟<他>一起挨的是什麼?
這女孩應該在這時候出現嗎?
數數手指....也應該知道發生緊什麼事吧!

淚為什麼還會流....不是已經放下了嗎?這是愛?還是狠?
這一年我不是過得很好嗎? 為什麼要被<他>的一切影響?
夠了,真的夠了...放過<他>.也放過自己吧.....
沒有東西再值得留戀了,電話.相片,facebook....通通刪掉了!
請不要再打擾我的生活,沒有<他>....我也可以過得很好!

八年了, 真的要放下了...