話說爸爸鐘意食燒肉,身為乖乖女既我....
就梗係要學整黎孝順下爸爸啦!!
本來星期五晚諗住整定....星期六晚就有得食,
點知...呢排多人包糭,所以五花腩都賣清光
8/6(六) 我晨早就同媽媽去街市買五花腩,
醃定星期日晚就有得食啦!!!
材料:五花腩 1斤
五香粉 1茶匙
粗鹽 1湯匙
玫瑰露 2茶匙
1. 五花腩 + 醃料醃過夜(只醃豬肉部分)2. 洗乾淨所有醃料，特別是五香粉3. 燒熱一鍋水，滾水浸十秒鐘4. 用豬插狂插豬皮(越多窿,皮越脆)5. 吊起舊五花腩,風乾3-4小時
6. 光波前...再次狂插豬皮
7. 用低架 + 高圈 250度 焗30分鐘 (豬皮向下)
8. 豬皮向上 250度 再焗20分鐘,完成
味道....皮脆得黎有小小韌,但肉質嫩滑,很juicy!
家人都很喜歡肉的 質感,唯獨個皮唔夠脆口,有待改進!
下次真係要試下用白醋醃豬皮,應該會脆d
等我下次成功既話再同大家分享!!
沒有留言:
張貼留言