預祝生日♥ 【泰金國】♥ 【小方糖】

差唔多一個月前已經約定要食泰國菜!
本來上次食過九龍城街市上面個間幾好食又平,
今次要再食多一次....點知朋友woo仔介紹呢間....
咁就試下【泰金國】啦...

本來話七點先開門,但係我地驚星期日 & 父親節多人,
所以好早6:15 就到左,點知....開左門lu!!
反正我地肚仔餓,咁就入去食啦!!
一入到去店員已經通知我地,要叫野食要快d....
如果唔係一陣間多人既就要等好耐....
我地都好合作<拿拿聲>點菜....

首先叫d野特飲先,有青檸沙冰&菠蘿沙冰&葡萄沙冰 (每杯$20)
推介青檸沙冰,熱天飲...酸尾尾好開胃!

呢個泰式生蝦好好味...最正係個蝦頭,炸埋....

仲有呢條<泰式香茅炸鰂魚> $125 
師傅刀工好,原條魚起肉炸,條魚骨小小魚肉都冇! 勁...
炸魚配埋d 配菜 & 酸酸甜甜既汁....好味又開胃!

仲有其他野食....都好好味!!!

食飽飽....多謝曬兩位 
行一陣散一下步....我地就黎到【小方糖】
雖然食得好飽....但係食甜品係有第二個胃的! 照食...哈哈!!
三個人叫4個甜品.....真係過份

哈哈...又再食飽飽,真滿足!