康蛇 ♥ 求愛大作戰

一個月前, 康sir 已經plan 想係佢女朋友生日當天求婚,
而我地當然會從旁協助啦.... 由一個月前已經籌備,
多少次放工後秘密食飯去開會商議, 令我不能出post, 隱藏行蹤
今日我終於可以光明正大出post.... 宣佈喜訊 

今朝晨早番去OT左4小時, 即刻趕回家補補眠... 
成日怕唔夠訓,結果越怕越訓唔著~ 最終訓左個幾鐘就要起身.....出發~
5:30 pm 番到基地 拎齊物資.....飛的去party 場地.....
我地醒目既團隊一到場就即刻佈置場地....分工合作

7:00 pm 氣球師到了, 花到了.....

8:30 pm 場地佈置完成

8:45 pm 最後彩排

9:00 pm 所有人客到齊

9:30pm 等康sir whatapp 準備帶女主角Bobo 進場
好緊張啊,手提電話握在手中.....等待指示~  9:45....仲未收到?
10:00 .... 終於收到指示,所有人standby .....
花炮手,攝影師,魔術師......通通準備就緒! 女主角......架到!!!!

10:30 魔術後...送上生日禮物,切生日蛋糕.....

10:45 pm 第一part 完..... 雖然有小小甩漏....都總算順利
呢個時候大家可以自由活動!! 而我當然繼續緊張啦....
滴酒不沾...保持清醒, 幫大家影影相,之後就準備part 2 .........

12:00 康sir 準備最後一次排練 ( 佢真係好緊張)

12:10 正式準備入場

12:30 求婚大成功 最後送上一首--- 你的名字,我的姓氏

12:45 求婚行動 完滿結束,大家繼續盡興....

終於大功告成了..... 成個人散曬~~~
1:15 功成身退....執埋d手尾......要番歸休息!!! 

今次真係好多謝康sir 比呢個機會我地幫手....
我都係第一次參加 & 幫忙策劃 求婚,
真係既開心,又緊張刺激....幸好我地沒有越幫越忙...一切總算順利!
最後....要恭喜康sir & Bobo .... 祝你地 永遠幸福快樂~!