酥皮奶皇月餅 ♥ 迎中秋

前一,兩年.... 自己都有上網搵過食譜.....同d朋友仔試下一齊整~
但係都仲未成功 本來想去學,但係出面個d烘焙店太呃錢啦~
點解? 因為二百幾蚊報佢個課程,淨係教個皮點整....唔會教埋個餡點整!
今年我個朋友仔劉榮(佢係女仔黎架), 話有間烘焙店會教埋個餡點整....
 心郁郁....咁就去試下啦!!!

Haileys
地址: 觀塘 偉業街 146號 美嘉工業大廈 9樓 D13室
電話: 64190011 (Becky Yu 老師)

開始上堂喇.....大家比d心機.....
首先整左個流沙奶皇餡先.....未食.....聽到個名都覺得正呀!!
睇下老師示範先.... 好香既蛋黃味呀.....

到我地自己.....落手落腳整喇.....

等緊佢蒸熟既時候.... 我地忙裹偷閒 賞下畫,自拍一下!!

蒸好了....要拎出黎 攤凍.....貼番自己個名放入雪櫃~

又可以忙裹偷閒一下, 余老師原來整左個蛋糕請我地食....百爵茶蛋糕 
 茶味好清香....一d都唔漏,又靚又好味!
老師好西利呀 ( 老師唔西利,點做老師?) 係wo.....

食飽飽.....有氣有力..... 就要搓個皮啦!! 睇老師示範,之後自己整

搓完個皮, 到分粒粒啦..... 位位同學都好用心....好專注咁分!

分完就要包餡.....睇圖.....

包完.....就要壓模.......
突然醒起.....我地之前訂左d月餅模.....拎定出黎先!
印左我地d名架... 證明我地真係好有心整月餅架!

睇下細雞幾賢淑.....  焗第一次.....出爐

再搽蛋液... 細力d搽, 大力會整爛個月餅!

再焗.....同學們又偷懶了! 原來整月餅都真係幾累

出爐了.....點解個個都爆既? 這是正常的,一陣凍左佢收縮番就會變番靚仔!!
切黎試下味先.....  yeah..... 就係呢個味喇!! 超好味....熱辣辣!

等d月餅凍左.....我地就做工廠妹.....pack 月餅 

整完月餅.....累死左..... 臨走前影張大合照先!!

今晚真係上左寶貴既一課.....
我同細雞都覺得.....之前自己整左幾次都參透唔到既野....
今晚老師都有教識曬我地.....我地覺得好值回票價,
最後.....要多謝余老師,我地太多野發問,又多野講....麻煩曬你了!!