新城＊Love Music 音樂會

早前表妹Patpat 好想去睇新城既Love Music音樂會,
點解? 因為有 小鬼(黃鴻升) 
多得表妹為左去換音樂會門票,一次買了一年既隱形眼鏡!
仲要晨早去排隊換門票,好彩...終於比佢換到四張門票,
所以我都可以扥Patpat既福有得去睇  佢同朋友睇A 區,我同細雞睇B區~
多謝表妹Patpat  love u.....

呢排真係忙到嘔....summer 都未完,regular 又要開始了
6:45 pm 放工.....即刻同細雞飛奔去灣仔會展~ 7:30 pm 開埸
好開心呢.... 我地係B區既第一行.... 雖然唔係A區,但係位置都唔錯

一出場既係林峯.... 第二個係泳兒,佢地D歌....
可能係我OUT啦,佢地唱個d歌全部聽都未聽過....
第三個就係....周柏豪 ,第四個係....連詩雅!!!
呢兩個都係我最想睇既.....果然冇令我失望!  好正呀......
接住就係官Ella..... 佢唱過咩歌呢....叫我講一首佢既歌,我真係唔識

高潮位黎啦.....小鬼出場..... 受到表妹感染,對佢有點好感吧
而且 我比較喜歡台灣的歌手, 最後就係 林俊傑JJ......
雖然唔係咁識佢D歌..... 但係佢唱小酒窩 好好聽.....>3<
全場跟他合唱  氣氛好好.... 這個音樂會都好好睇, 再次多謝Patpat

睇完音樂會同細雞去左食大大大大大大pizza
未到門口.....已經嗅到好香既味....店鋪小小,但依然有好多人排隊~
嘩......真係好大塊啊....一人一塊.....  正.....
薄薄既批底,好脆口....好味道, 但係太大塊食唔曬.....

食飽飽...11:30pm....就要歸家去..... 番到屋企12:30.....
沖埋涼, 做埋mask.....執埋d手尾,已經兩點啦 
本來明天放假的,自己衰多口話幫手OT聽日番8:00 am
即刻得 番四個半鐘訓..... >.< 陰公豬......